Kakausapin ko lang ang sarili ko

Magpapaka-emo muna ako sa post na ito.

Pansin ko lang...parang walang kwenta tong buhay ko. Parang feeling ko walang direksyon itong katawang ito na nasa 28 anyos na. Ilang tulog na lang magte-trenta na ako. Ano na nga ba ang nagawa ako sa buhay ko?

Wala.

Alam ko naman ang gusto kong gawin sa buhay. Pero hindi naman lahat ng gusto natin eh nakukuha na lang, kahit pa pagpaguran mo pa yun. Sadyang may mga bagay na hindi talaga laan para sayo, kaya minsan naitanong ko na rin sa sarili ko kung bakit hindi?

Ewan ko ba. Habang binabasa ko itong sinusulat ko, parang walang sense. Parang nagta-type lang ako kasi feel ko at dahil kahit anong kalokohan pwede ko naman i-post dito. Pero hindi talaga ako mapalagay. Parang may isang malaking kulang sa buhay ko.

Alam mo ba yung feeling na ganun? Parang may kulang...pero di mo alam kung ano yun? Tangna, parang sarap iumpog ang sarili mo sa pader.

Minsan naisip ko kung dahil ba ito sa kakulangan ko sa pera? Well, partly. Ipokrito ka na siguro kung ide-deny mo pa na ayaw mo ng konting kaginhawaan sa buhay. Ok fine, part na dun ang pera, pero pag uungkatin ko, parang meron pa na higit pa dun.

Hurrr...ano ba itong kalokohang ito? Makatulog na nga baka kung ano pang ka-jologan ang maisulat ko dito.

Paboritong Lamon ng mga Batugan (aka Gamers)

At dahil na-tag ako ni Darrick, di nako makakapalag. XD

Actually, umiiwas nako sa mga instant food kasi sineseryoso ko na ang pagpapapayat (alam ko hindi obvious kaya wag na kayong umepal). Pero kahit paminsan-minsan na lang ako nakakalaro ng mga MMOs, meron din naman akong mga paboritong lamunin, kahit ba makasalanan pa yung mga trip kong kainin.

Nestle Fitnesse Cereal

Sinabi nang walang papalag eh! Pero seryoso, ito ang kinakain kong almusal araw-araw. Mataas ito sa fiber tsaka masayang kainin kasi feeling mo kumakain ka ng chichirya. Ayus na ayus pa kasi pansin ko araw-araw na ako jumejebs, di tulad ng dati na siguro in a week nakaka-2x or 3x lang ang ako sa banyo.

Yun lang, walang pinipili ang sikmura ko kung san ako abutan ng pagka-jebs.

Anyway, hindi naman tungkol sa mga kadireng stuff itong entry na to. Let's move on.

Nestle Fruit Selection Yoghurt/Yoghurt Drink

Masarap na ka-tandem ng Fitnesse Cereal. Isipin mo na lang na parang ice cream.

Fruit Medley na mabibili sa SM Supermarkets

Oks na oks ang bumili ng isang bandehado nito sa SM na pwede mo ngatain sa meryenda or pwede rin ipansabay sa cereal. Depende kung sang SM Supermarket/Hypermarket/Save More branch ka bumili, iba-ibang fruits ang pwede mong pagsama-samahin.

Brewed Coffee

Hands down, hindi pwedeng mawala ito sa diet ko. Ikamamatay ko kapag walang kape sa buhay ko.

Cheetos

Tutyal! Pero minsan lang ako mag-indulge kapag awang-awa nako sa sarili ko. Pinaka-favorite ko yung Cheddar Jalapeno flavor kasi may konting anghang. Pag feeling evil ako, hindi ko na kinakamay ito...tinutungga ko na! Sarap eh. >:)

Corn Puffs

Una ko itong na-diskubre sa SM Supermarket nung naghahanap ako ng cornik. Nakakasira kasi sa ngipin ang pagnguya ng sobrang matigas na pagkain, kaya naman sinubukan ko ito minsan. Oks naman ang lasa. Merong cheese, garlic at yung plain flavor. Hindi sya ganung kahirap nguyain, at malasa pa. Ang masaya dito eh wala pang bente pesos ang presyo nya. Swak na swak para sa mga chipips na naghahanap ng masarap ngatain sa harap ng computer.

Krispy Kreme Original Glazed Donut + Mocha Coffee Drink or Smooth Blend Coffee

Ito ang da best combo na dessert na mahilig naming pag-pyestahang mag-officemates. Minsan lang ako bumigay kasi tangnang 300+ calories ang isang donut. Kamusta naman yun.

Ok, tigilan na natin to. Lalo lang ako nagugutom. Pakshit.

Wala ka nang paki kung single ako!

Hindi ko alam kung kina-iinggitan ba ang mga singgols na gaya ko ng mga babaeng may asawa't anak na. Paano naman kasi kung "makasumbat" eh akala mo mga walang pakialam sa mundo at maraming pera ang mga babaeng single.

Urat na urat na ako tuwing mapapag-usapan ng mga tropa ko na "single ka kasi kaya wala kang pino-problema na kelangan mong umuwi ng maaga para sa anak mo" o mga patutsada na "single ka kasi kaya pwedeng-pwede ka mag-travel kahit san mo gusto".

Una sa lahat...

KUNG MAGBUBUNGANGA KA LANG DAHIL WALA KANG PERA AT WALA KANG PANAHON PARA SA SARILI MO, PWEDE BANG IUNTOG MO NA LANG ANG SARILI MO SA PADER?

Kaka-urat talaga. Akala mo walang karapatang magka-problema sa pera at sa oras ang mga babaeng hindi pa nag-aasawa at nag-a-anak. Eh pucha, ginawa mo yan sa sarili mo eh bakit parang sising sisi ka? Kumuha ka nga ng batong ipampupukpok mo sa sarili mo kaya 'wag mo kami idamay sa mga kagagahan mo!

FYI, single ka man o married, bading ka man o straight, lahat tayo nagkaka-problema sa pera. Kaya nga lahat tayo nagta-trabaho. Ano pala sa akala mo? Wala akong magawa sa oras ko kaya napag-isipan kong magtrabaho? Jus ko...kung ganyan din lang eh ayoko na lang mag-asawa. Papasok-pasok ka sa sitwasyong yan, mandadamay ka pa sa kangangawa mo.

Magdusa ka! Che!