MMFF: Magbasa na lang tayo ng libro

Kanina ko pa iniisip kung ano ang una kong o-okrayin sa blog na to, hanggang sa naalala ko na malapit na palang mag-Pasko. Alam nyo naman kung ano ang ibig sabihin nun diba? Hindi ito tungkol sa vacation leave (bwiset talaga pag newbie wala pa akong pesteng VL na pwedeng magamit tae!). Hindi rin ito tungkol sa gifts. Ano pa nga ba kung hindi...

Ang Walang Kakwenta-kwentang Metro Manila Film Festival!

Sa totoo lang, ito ang nagpapa-panget sa Pasko natin. Pano ba naman...pwersado tayong pag-tyagaan ang mga movies na kung hindi comedy (na ang buod eh ang kantyawaan ang mukha/personality/mannerisms ng isang artistang mukhang paa), eh mga dramang sana isinalaksak na lang nila sa local TV (tutal binaboy na rin nila ang local channels, eh di todo-todohin na nila!).

Biruin nyo, mula December 25 hanggang first week ng January kelangan nating sikmurain ang mga palabas na ito. Hindi sa nagfi-feeling elitista ako or what, pero haller naman...kaya andaming bobo sa Pilipinas eh. Puro katangahan ang pinapalabas sa media. Yung mga thought-provoking films ang tawag eh "indie". Pucha...mas mabuti pa yung low funded flicks na yan kesa sa mga milyones na pelikula na maduduwal ka naman sa sobrang korni at jologs. Kaya rin dumadami ang jologs kasi dumadami ang mga bobo. Ad infinitum.

Kung di mo pa nage-gets ang punto ko, eto ipapaliwanag ko sa pagmumukha mo. Eto lang naman ang titiisin mong movies:



Nobody Nobody But Juan
Starring: Dolphy, Eric Quezon, G Toengi

Pilit pa ring sinasaid ang comedy factor ni Dolphy. Eh di naman ako natatawa sa mga kalokohan nya. Syempre ang comedy relief dito yung mga exaggerated acting ng mga artista dito. Samahan mo pa ng mga matatandang mukhang multo, at yung tear-jerking factor na yung main character na matanda nasa Tate na naho-homesick...isa na itong recipe for jologsness. At dahil may Willie Revillame factor pa, umaatikabong kalokohan pa ito.

Hindi ko rin alam kung wala na bang maisip na title yung mga writers at producers ng pelikulang ito. Akalain mo ba namang i-pangalan pa sya sa isang Korean song na nakakaumay nang pakinggan. Juskoday! Siguro nag-syaping lang ang mga 'to sa US.



Mano Po 6: A Mother's Love
Starring: Sharon Cuneta

Dinaig pa ang trend ng trilogies! Umabot ng 6 sequels ang movie na itech, at feeling ko may apo na tayong lahat, may Mano Po 50 na! Kaloka! Baka naman pati apo sa tuhod gagawan nila ng pelikula? Halata pa na pina-singkit yung mata. Hahahaha. Kaka-lurkey!



Panday
Starring: Bong Revilla

Dapat pinagbabawal na ang mga artistang government official na gumawa ng pelikula kapag nasa pwesto sila. Sayang ang oras na ginugol ni Bong Revilla para gawin ang pelikulang ito instead na gawin nya ang trabaho nya bilang senator. Senador pa namang naturingan eh. Kunsabagay, ewan ko kung nararamdaman nyo na may ginawa syang significant sa buong term nya.

Tsaka teka...pang-ilang Panday na ba ito? Nakaka-umay na!



Ang Darling Kong Aswang
Starring: Vic Sotto, Christine Reyes

Title pa lang, gusto ko nang isuka yung hapunan ko. Ayoko nang bawasan ang brain cells ko kakaisip ng ipapang-okray dito. Not worth it.

Natawa lang ako sa comments ng mga tao sa YouTube vid na to. May nagalit na bakit daw kinukumpara sa Hollywood (crab mentality daw). Tapos pag-scroll down mo,may nagsabi nito: "Natural di pang-Hollywood ung grafix. Third world country tol, THIRD WORLD! babaan nu standards nu."

Koya, kung sino ka man, sarap basagin ng itlog mo. Ikaw ang siraulo. No wonder paurong ang Pilipinas.



Wapakman
Starring: Manny Pacquiao, Rufa Mae Quinto

PANGINOON KO SANA ILIGTAS MO PA RIN PO ANG PILIPINAS PARANG AWA MO NA! San ka nakakita ng contrabida sa pelikula na: a woman with supersonic breasts. ANAK NG KALABAW! End of the world na talaga ito.

Meron pang 2 movies na kina-Kris Aquino at Marian Rivera, kaso di ko pa napapanood yung trailer. Pero sa pangalan pa lang, ewan ko na lang.


Siguro kung ako ang tatanungin, ang masisikmura ko pa dyan yung Mano Po. Pero kung ganyan kababaw at ka-rhetoric yung mga messages at themes ng mga movies sa MMFF, di bale na lang. Pamasahe rin yung gagastusin ko sa sine. Either that, o pondohan nyo ng maayos yung mga indie films. Mas may sense pa ang mga yun eh.

Payo ko sa inyo mga kapatid...magbasa na lang kayo ng libro. Mas lalawak pa ang vocabulary nyo. Pramis.